हिमालय हाजो नोंखौ खुलुमो Poem by Ronjoy Brahma

फ्रसान्थ लैथोमायाव नों गावनि सायखंखौ
गोगोमै नुयोब्लाबो एसेबो गोग्गाया,
अख्रांनि जौसिन जानोबो लुबैया नोङो
जोनोम जोनोम बेबादिनो थानोसो लुबैयो।

नोंनि बिखानिफ्राइ बोहैनाय दैमा-दैसायाव
गावनि मोदै बोहैनाय नुयो नोङो,
मानोना नोंनि थिखिनियाव दंफांआ दुगायो
आरोबाव अख्रांनिफ्राइ जौसिन जानो लुबैयो बिसोर।

दाउसिन आरो मि-एम्फौ नोंनि बिखायावनो
मेथाइ आरो मिथिंगानि देंखोजों थांनानै थायो,
हिमालय हाजो नोंखौ खुलुमो

नों नोंबादिनो थांनानै था अरायनि

लैथो-लैथोमानि नाफोरा बाज्लना नायहरो नोंखौ
नोंनो जेन'बा साबसिन आयना बयनिबो,
सोमखोर मोखां नागिरना मोनो आंदि आंनि
हिमालय हाजो नोंखौ खुलुमो।

नोंनि अन्नायावनो गौतमनि सैथो घोरोम
रामनि बिखुंआव अनजिमा गैयै जिलिद,
आरो बुंनानै फोजोबनो हाया सुदेम बार
निजिरा आरोबाव दैबाज्रुमनि बेसेबा गोथार हाबिला