बैसागु Poem by Ronjoy Brahma

मुलुग मिथिँगाया जेब्ला
गोरान रानस्राव जालाङो-
अब्ला फैयो गोदान बोसोर बैसागुआ,
आबादारिनि दुब्लिया जेब्ला
खराननि गोरान हाथाय खिन्थियो-
अब्ला फैयो बार-दै-सिख्लाया,
लोरबां बोलो गैयै मिथिँगायारिखौ
गोदान सोमखोर जांख्रिखांनाय लाबोयो।
बैसागु, बोसोरनि आगु
रानज्रिँलांना बिफां-लाइफां
आरो बेन्दोँ-रायदोँफोरखौ
गोदान सास्रिनाय होफैयो जिउ बोलो,
मेसेबनाय मिथिँगाखौ गोदानै
जिउ होफैयो सोमखोर दुलाराय बुहुमाव।
जिउ जाखांफिननाय गोरबो बोलोजोँ
दाउ खौऔआ दैबायो रादाबखौ
रिँखाङो मिनि खुसि मिथिँगायाव
सोमखोर फैलाव बुहुमाव;
एम्बु बंग्लानि गाबनाय
ना खुर्सानि हालि हालि जावबायनाय
गुरुम गुरुम अखा खोरोमनायजोँ
खाम, सिफुं, जथा, सेर्जा बायदि
आंगो गामि गामि जेरावबो
आय' बैसागु लाबोयो गोदान बुहुमाव
बार-दै सिख्ला;
सोमखोर खालामो बुहुमखौ।