आं थैयो Poem by Ronjoy Brahma

थैनाया खारफादोँ उन उन
मेँहाब हां हगारनाय फैखागोन,
थैनाया मोनसे जाफ्लायग्रा बेयो
थाखायो जोनोमजोँ जाथाय ।
दिनै नङा गाबोनथ' आरो..
बोजबखागोन थैनायखौ सानसे
जै खालाम थैनायखौ जै
बेसो जागोन गुबै थांखि ।
सियाल सैमानि बायदि नङा
गोथौ ओँथिया थानो नांगोन
गोजोनै रंजानायजोँ
गोबांआ मख'गोन मुं गोग्गानायजोँ
थैनाय जोबब्लाबो सानसेदि ।
सैथो सोमावसारनाय
बे गोजोन्नायजोँ आं थैयो
गावनि आंगो हादराव,
आंनि हादारा गुबुननि नंलिया,
गासोम जाना आथिँसिँ
बे जाना थालिया
उदांस्रि साना नुजाहां
जोँसार बोयो गोरलैयै
आं थैयो बेयावनो ।