जायखौ आं सान्दोँ
जायखौ आं मोन्दांदोँ
दङ आंहा गुफुर बिलाइ
दङ आंहा कलम गंसे
गालांगोन आं फोथांना रोखा
गावनि सानस्रिखौ थुब्राय थुब्राय ।
लोरबांथि आरो गोरोन्थि
मिथिस'वा आं बेयो थाथावगौ
नाथाय आंहा गिनाय गैया
आंनि न'सुंसेयावनो दंखायो रोखा
गेबेँ गोरोन्थि बिजिरगिरि ।
नांगौ आंनो गेबेँ आखायल' दसे
नांगौ आंनो गोजोँ मेगनल' दान्दिसे
दङ आंहा गुफुर बिलाइ
दङ आंहा कलम गंसे-
This poem has not been translated into any other language yet.
I would like to translate this poem