रुपनाथ ब्रह्म: गेदेमानो Poem by Ronjoy Brahma

1902 मायथाइयाव जोनोम मोननाय
आय' नोँ गेदेमा बर' माहारिनि,
औवाबारि गामियाव देरनाय नोँ
नुसन्दोँ आन्दायनाय बर' हारिखौ ।
मिथिगौ गेदेमा आं नोँखौ
खन्थाइगिरि, गुबै मिष्टिक सानथौगिरि ।
नोँनि गेदेमा सोरजि नाजानाय
आय' दिनैसो नुसन्दोँ आं
जाम्बा ज'ला अलसिया मोब्रुं
माबा फाखनजोँ बोबथिँ जानानै
जारौ जोँमानि मेगनाव जोँब्लावनायाव ।
'सोरखौ नोँसोर मालाय नंदोँ?
रावबो बेयावहाय मालाय नङा
आंनि नोँनि सोरखौ होनदोँ?
रावबो आंनि नोँनि नङा ।'
जाम्बा ज'ला आं गावनिल' सानग्रा-
मिथिबाय नोँनि नंगुबै फोरोँनाय
राहासो गैया जाबाय आंहा
मान बावनो गोथार गोरबो
दङ बेँफबनाय दाखोरजोँ आंनि ।
आय' गेदेमा-
'मालाया हाबाब मालाय नङा
बयखौबो अनदो गावनि बायदि;
गावनिया हाबाब गावनि नङा
दाखालायसै रावबो हिंसा हिँसि ।'
मैला होखारना नाजायो आं दिनै
नोँनि मिष्टिक सानथौनि गुमुर
गेदेमा आं संदानै संदानै ।