खन्थाइगिरिनि जिउखौ सोबै सोबै
गां फुवारना खन्थाया सिखिरिबादि बिरथिँबायो
लेखा बिलाइनि एम्फौफोरनि सेर सेर
गावखौ मोजां मोन्नायाव थैनोबादि रंजायो।
आं खन्थाइगिरिफोरनि खन्थाइखौ आवरायबाय
आरो आंनि जिउखौ लावसिन होबाय,
खन्थाइनि दाहायाव गोजावनानै
आरो खन्थाया बामख्रबनानै लाबाय आंखौ।
खन्थाइगिरिनि खन्थाइनि मोदैखौ लोँबाय आं
ओरैबादि मोनदोँ जेन' आंनि बिखाया थेफ्रामलायबाय,
खन्थाइनि हाद्रि जोफुंनायनि देदगानायखौ हमथानो हाया
आथिँ सिङाव गासिन्ना दोनबाय आंखौ!
लामायाव लोगोमोन्नाय सिख्लाखौ मोन्नो हास्थायोब्ला
आंनि गुस्थियाव सोदोबा जिरायफैया,
बुजिसनो हायै खन्थाइनि मोग्रेमनायबादि
लामा-सामा गोबां खन्थाइ लोगोमोनबाय आं।
खोमानानै लाबाय खोमानानै नुनाय मुलुगखौ
लाथिख'नि देँखोआ रिँखांदोँ गोरबोनि लैथोआव,
दिनै आरो खन्थाइनि गांखं थुनानै
बबे उदां गोरबोआव बिरलांनो लुबैयो?
लरेद लरेद मावोमोन आंनि उसां गोरबोआ
अन्थाइ जाबाय मिजिँखुलि गोरबोआ
गोजावलांब्ला हामथारगौमोन मेथाइनि बानायाव!
आंनि हां लानायाव मेथाया बाज्लखाङा
खन्थाया आंखौ जोखोम खालामबाय बेखायनो
खन्थाइखौ जोखोम खालामथारनांगोन खन्थाइगिरि
लैथोमा आरो अख्रां दावबायग्रा गोरबोआ
This poem has not been translated into any other language yet.
I would like to translate this poem