गोरबो इसिँआव Poem by Ronjoy Brahma

रिफिखांनाय आंनि मेगन रोदायाव
आलाय आरननि महरा
जाखांफैदोँ
लोगो मोनजेननाय सानैजोँ
बै समाव
सुदेम गोजोनफुरियाव
मोखांजोँ मोखां ।
नोँनि बै समाव मोदाननाय गाबआ
गोमोर लाङाखै दाबो आंनिफ्राय
बे नोँनि मेगननि रिफिनाय रोदायानो
हालियासै आं उन्दुलांनो....
बेनोमोन नोँनि आय'
मादि मुहिनि
सिखाव गोसोनि ।
नागारनो हायाखै दाबो नोँखौ
गोसो गोरबो फानजारिनिफ्राय
उदां खालामना
हानायबो नङा आं खोमोरनो
मादि आय'
गोमोर लाङै गाब बेयोदि
गारोबाबो जासिगौ आं
उदां अखोरां सायाव
बिरदावनाय- उदां दाउ ।
मोन्दाङो आं जेब्लाबो
आंनिनो हांमा
रिथि-रिथाव हाथर्खिनि
गंग्लायनायाव
सोरांसि निहोरजोँ
सुग्लायलाङो गोसो आंनि
सानस'नो आगोर मोना जायो मोदैजोँ ।
गलिरोङै जायो मोदैआ
गोरबोआव
बर'फ जायो लाथा खाना ।
मोन्दाङो दाबो आंनि जिउआव
आलाय आरननि रिफिनाय
आनज्राय लाङाखै गोरबो
इसिँआव...