गुमुर मोनै माब्लाबा Poem by Ronjoy Brahma

गुमुर मोनै माब्लाबा

जोँथि फैदोँमोन आंनि
खोमसि अखोरांआव
थरसे गोजोँ हार्थखि,
जायनि जोँथिया आंनि नोजोराव
सानबायदि सोरां ।
नुजाथिदोँमोन मिनि खैरोयै
निजोम अमाबस्या हराव;
बुंथिदोँमोन सिरियै मानिबा रादाब
फंनैसो बिबुंथि
गोदै गोरबो सिँखावनाय
मिलौदो गारांजोँ ।
अब्ला आं खोनासङै
गंस्रिना थायो
बिनि मिनिखैरोनाय माब्लादि
गोमोर लांखो
मिथिस्लाबा जासे खोमसि
नाथाय बुजियाखिसै आं
नोँनि गोदै रावनि रहयस्य ।
थेवबो बियनाव आं गोमोदोँ
सांग्रेमानि सोरांआवबो
आं आन्दायदोँ,
खोमसिखौ सोरां होनो
खथानि सोरांआवबो आं
सौग्रावदोँ ।

Thursday, August 7, 2014
Topic(s) of this poem: Poem
COMMENTS OF THE POEM
READ THIS POEM IN OTHER LANGUAGES
Ronjoy Brahma

Ronjoy Brahma

Amteka (Chirang) /Assam, India
Close
Error Success