सिमांसोमोन ने Poem by Ronjoy Brahma

गोजोन गैया दावहाथिलि
खालिबोल'
दावहाथिलि ।
गंगार हाजोनि सेर सेर
बुरलुंबुथुरनि सेर सेर
आरोबाव फैलाव हायेनाव ।
सिमांसोमोन खोमा
जोंख्लाब-जोँख्लिब
थुंग्रि सिबनाया
आरो
लुन लुन खामान
गुलि बारुदनि
आनलेद् जानाय
उखुन्दै अख्रां
नङा बर'लेण्ड मुलुगसो ।
आगोर मोनै आं
गहां गहां हां
खारखोमा हायै
बारआबो नागिरदोँ
जाहार अरन
बोला बोला ।
आय' गोदोलांदोँ आं
हां मोनस'यै
जेन्नाय फायखि जानानै
गोथौ
बेसेबा गोथौ
बुरलुंबुथुर दैमायाव ।
अ सिमांसोमोन ने
फैफिनबाय आं
मोकथां मुलुकआव
मैखि खाथेनाय
मेगन बिलिरनानै ।
नंगौना बेयो सिमाङानो
जानोबो हागौना?
सिमाङा सिमाङानो ।