आंबो अजा Poem by Ronjoy Brahma

आंबो अजा

खोनासं खोनासं-
मोजाङै खोनासंथार दे
फिसाफोर,
आंबो रोँगौ जादु,
सोमोनांगोन नोँसोर फिसाफोर
गोमो हाबथारगोन ।
मोजाङै खोनासंदे फिसाफोर
मोजाङै खोनासं-
थेनथ'नो नाङा
खोमाखौ मोजाङै सुफ्लं
मेगनखौ खेवनो नाजाथार-
अम ह्रिँ ख्लिँ फोथ से
अम ह्रिँ ख्लिँ फोथ से
अम ह्रिँ ख्लिँ फोथ से
खोनासं फिसाफोर-
से से नै
से से जिसे
बा बा जि
बा बा नैजिबा
बा बा बाजिबा
खोनासं फिसाफोर-
साना फैयो सोरां जायो
साना हाबो खोमसि जायो
थांलाय-फैलाय गोसोआ जायो
मोख्रेब-बेल्लाव मेगना जायो ।
खोनासंदे फिसाफोर खोनासं-
अ आ इ ई
नङादे फिसाफोर-
सांग्रां जा
गाराङ गाराङा गुसुयि
गोलावयि
मोजाङै सोलोँदे फिसाफोर
मोजाङै सोलोँ-
नोँथां
थाङा
खरर्आ
बेसे आख'- फाख' ।
बुजिनो नाजाथार फिसाफोर
बुजिनो नाजाथार-
गोरलै नङा
हाथाइ गलांनाय आजै-आजौ
होलांनाय रावआ।-
बि मुं फां>बिफां
फि मुं थर>फिथर
बि था बार>बिबार
मुं मि गौ>मोसौ
मेगन दै>मोदै
गन्थं खि>गुंखि
मुं लाइ था जौ>लाइजौ
मुं मि था देर>मैदेर
नाजा फिसाफोर
नाजाथार दे-
बर' बोराय> बाथौ ब्राइ
अम ह्रिँ ख्लिँ फोथ से
मोन्थोरा बेसे गोदै ।

Wednesday, July 30, 2014
Topic(s) of this poem: Poem
COMMENTS OF THE POEM
READ THIS POEM IN OTHER LANGUAGES
Ronjoy Brahma

Ronjoy Brahma

Amteka (Chirang) /Assam, India
Close
Error Success