साना हाबबाय Poem by Ronjoy Brahma

समा जाबाय फिसा
साना हाबबाय
आरोबाव गैलिया जोँमा साना
फैदो न'आव गेलेनो सम गैलिया ।
आयथिँ आखाया माबार सुदो
सौराय एवनाय एसे दं
माबार माबार बेखौनो जादो ।
समा जाबाय फिसा
साना हाबबाय
मालाय हनै हार्थखिफ्रा
नायहर हनै अखोरांआव
समायना-रमायना गावखौ
मिनिस्लु मिनिस्लु साजायदोँसै ।
गोख्रै फिसा गोख्रै
बिजाबा लाबो सिलायाव
बना दोनखाबाय आं बष्टाखौ
सागाथियाव गंसे सोरां होनो लेम्प ।
मालाय निस्टनि, सिबिलि, हिनालि
आरो गौतम, स्टेटन, दानिलमोना
कारेन सावै सावै टेबिलाव फरायदोँ ।
जोँहा गैया फिसा
बिसोरनि बायदि
जुजिनांगोन फिसा थेवबो
हारिनि मानखौ लाखिनांगोन ।
थपेन ब्रह्मआबो सानसे लावखार
महरनि गथ'मोन फिसा
नाथाय गियाननि गोथौ सानस्रिनिमोन ।
फराय फिसा
मोजाङै सालोँ
उपेन बायदि नोँबो जागोन
अखोरांनि हार्थखिया
मिनिदेरगोन सानसे नोँजोँ ।
समा जाबाय फिसा
साना हाबबाय
आरोबाव गैलिया जोँमा साना
फैदो न'आव गेलेनो सम गैलिया ।