सिमांखौ गोसोखांनानै Poem by Bahadur Basumatary

सिमाङाव जाखांफैनाय सिमांखौ
मोखथाङाव नागिरनानै
दिनै आं उसु खुथु
जायगा दाबसेयाव थाथिर हायाखै।
थारैनो बेयो जोबोर समायना सिमांमोन
बेयो जोबोर समायनाथारमोन।
महरनि रुजुनायाव मनालिजोँबो रुजुजाया,
आखला रुजुजाया सिता साबेत्रिनि।
बेसेनाबो रुजुजानाय नङामोन सनानि।
सिख्ला महरै बियो फैदोँमोन सोरगोनि मोदायजो जानानै,
फैदोँमोन बियो आंनि गोरबोयाव मोनसे आगान गालांनो
जिवाव आंखौ थुलुंगा होलांनो।
फैदोंमोन आंखौ गोसोखांहोबाय थानो।