खामानिखौ मावलां जोहोलाव Poem by Bahadur Basumatary

मानसिबादि मानसि महरै
संसाराव उजिफैनानै
नोँहाबो गिदिर बिबान दं जोहोलाव
मावनांगौ खामानि गोबां दं।
नै जोहोलाव!
उन्दुनानै दाथा नोँ
गेजेन जानानै दाथा
खामानिखौ मावलां नोँ-
नोँनि मोजांनि
रायजोनि मोजांनि
हारिनि मोजांनि
हादरनि मोजांनि
आरो मावलां संसारनि मोजांनि
अब्लाबो नों जिरायनानै दाथा
अलसिया जानानै दाथा।
नोँखौ ओरैनो सोरजियाखै जोहोलाव,
सोरजिदोँ सुबुंखौ हेफाजाब होनो
माहारिनि मोजां खामानि मावलांनो
संसारनि एसे खामानि मावलांनो।

खामानिखौ मावलां जोहोलाव
बयनिबो मोजांनि।