दिनैनि जौसांआव Poem by Ronjoy Brahma

जोँनि अनलायनाया दंमोन जेब्ला
बै....
नुदोँमोन सिखिरिया जोँखौ
बिबार बारियाव ।
जोँनि अनलायनाया जेब्ला
गोथार, गोरामोन
हायामोन सिखिरिया जोँखौ एदावनो
सिखिरिया जंखायमोन बायदि रावजोँ
गैयामोन आंहा गिनाय लाजिनाय ।
हिमालयनि गुसु बर'पआ
बारजोँ सोलेराव
बैसागुनि गोरलै बिलाइ मोदोमाव
हायोमोन आंखौ गोजोन होनो
बै समाव ।
मोसायोबोला रंजालि बैसागुनि
जौसांआव
नायोमोन आं बेसेदि
मिनिस्लु आफा खबनानै
सानोमोन गोसोआ बोदोर लोगोसे मोसानो
हाया आंदि नाथाय
मोदोम सोमाव रोङै
बन्थ मुरा ।
थाजिम मिनिस्लु नोँनि
गुफुं सोलेरखौ
जायोमोन आंदि बोदोर...
हायोमोन आं गुदुं गासै सोलेरखौ
गोजोन होनो ।
मिनि मिनिस्लुयै आंजोँ
लोगोआव सावरायब्ला
बोहैलाङोमोन आंनि गोर्बोजोँ
गंगा जमुना
सिरि सिरि बोहैलांनाय गोसो निजोराया
रनसायलाङो मेथाइ गोर्बोआव ।
दिनै नाथाय बे मेथाइनि महर सोलायै
वाइन श्बप्नि संफ्ला
बखनाय सोदोब
रंजासै साजायनाय समायना
जौसांआव,
लोरलां-लोरथां लोगोआव बथल ।(12/2013)