सोमखोर मिथिँगानि बरायनायाव
गोजा जोँथि गोजा महरै
दाउसिन-दाउला
मुनुष मैयानि
खावलायनायाव
नुजाफैयो नोँ सोरां
नोँनि सोरांआव दाउसिनफ्राबो उदां ।
मुंबिलिनि जोँथि निहोर
गोजोनग्लायो बेसे
गोसो गोरबो आंनि ।
दाउसिन-दाउलाफोरनि रंजानाय
सोमखोर रुम्बां रुम्बां
बिफां-लाइफांआदि,
बेसे बाज्ल'खाङो
आंनि
गोरबो बिखा ।
आ-रो-बा-व बांसिन
गोजोनग्लाय होयो
नोँनि गावदां
जोँलुर महर
सानजानि गोजा सोरां ।
This poem has not been translated into any other language yet.
I would like to translate this poem