सायखं आरो आं Poem by Ronjoy Brahma

सहानायसिम हालोबना सानफ्राङो आं बुंफ्लाङो-
नै सायखं! नोङो एसेबां बुरबख?
नोङो दलर थानायानो मोजां
एखेबारे जिउगैयै अन्थाइबादि- दुखुसैनाङै।
नाथाय सायखंआबो दावबायो- रोजाबो
एखमबा आंनि आगानसे सिगां
एखमबा आगानसे उन- गोमोथाव!
नेहाथ सायखं: आंनि गथाय सोलेरनि।
आं माबा बुंब्लाबो बुंफायो
जेसेबां फाव खालामो गासैखौबो सोलोङो,
थेवबो सायखंआ आंखौ दैदेन्नो हाया
आरो नै सायखं! आं नोँखौ दैदेना।
बेखायनो Albert Camus नि रावै-
Don't walk behind me; I may not lead.
Don't walk in front of me; I may not follow.
Just walk beside me and be my friend.
थैजासिम नोँ आंनि लोगो
फुं- सानसुथिर- बेलारोम आरो
बेलासि- मोनाबिलि
साना जेसेबां मुलुगनि थाखाय जोँबाय थायो।