मा जालांखो Poem by Ronjoy Brahma

मा जालांखो

आयौ! मा गोमोथाव! ?
गैलामोन दावहा होननाय मुलुगाव
दाहाल थुंग्रिनि ।
एसेदिन थांबाय
एसेदिन फैबाय
आरोबाव खंखाय देगारनि दावहा
गोदान 'बर'लेण्ड'आवसो ।
आय' गावजोँगाव खोमा सुफ्लंनाय
जालिया सेहा, थुलाजोँ माथुना ।
एवस्रांलांबाय हादान गोदान गोदान
फैलाव बर'लेण्ड गुवार जाबाय ।
बेयावनो गोदान हादान सोरनिबा
हासार गैयै हायाव
थैनि हासार ।
आय' गिरि आं जेब्लाबो जिँगा
माबोरै गोदान दावहा
खंखाय देगारनि?
मानो थैनि हासार
बर'लेण्डआव?
मा एसे गिख्रंथाव!
मा जालांखो! ! ? ? ?

Monday, July 14, 2014
Topic(s) of this poem: Poem
COMMENTS OF THE POEM
READ THIS POEM IN OTHER LANGUAGES
Ronjoy Brahma

Ronjoy Brahma

Amteka (Chirang) /Assam, India
Close
Error Success