दिनैबो जोँ गुबुननि बान्दा Poem by Ronjoy Brahma

दिनैबो जोँ गुबुननि बान्दा

दिनैबो गंसे आलादा
रायजो गैया बर'हा
लिरनायल' दं गंसे
'बर'लेण्ड' होननाय
लामानि बिँफां मोदोमाव
सोरनिबा सनानि इनजुराव ।
गोजा, गुफुर, गोथां बायदि गाबजोँ
सिनाय जायै बर' हारिनि अनगायै
गैया रावबो बे मुलुगाव ।
खोनायो दाबो दंमोन बर' रायजो सानसे
सेरखाय- बेरखाय फारा- फारि
गारसारदोँ गावनि न' बांखौ नागारना
राव हारिमुखौ लासाबनानै
फेरलेबसे गावनि जिउखौ फोथांनो ।
जायफ्रा दिनै थाथेर गैयै
खारदोँ आरो खारदोँ मेँनाय गैयै
जानो थाखाय थांना थानो मिजिङै ।
गुबुनाव दिनैबो जोँनो मासि होआ
बान्दा-बान्दि जोँ बैनांगौ
सि: सि: सि: !
जोँहा गोजोनानो गैया,
बिबाय मागिबाय जानो
सम जोँहा गैलिया
जुगा जोँखौ थिनलिया ।

Saturday, July 12, 2014
Topic(s) of this poem: Poem
COMMENTS OF THE POEM
READ THIS POEM IN OTHER LANGUAGES
Ronjoy Brahma

Ronjoy Brahma

Amteka (Chirang) /Assam, India
Close
Error Success