Muhammad Mirash

Rookie - 0 Points (7th augest / kannur)

അറിവ്‌ - Poem by Muhammad Mirash

എന്നിൽ സംഭവിക്കുന്നത്‌
ഒരു വിധിയുടെയും
കാരുണ്യമോ പ്രാക്കോ അല്ല.
എന്നെ പിന്തുടർന്നത്‌
കാലത്തിന്റെ ചാക്രിക ചലനങ്ങളിൽ
ക്രമം തെറ്റി അവതരിച്ച
പടയാളികളുമല്ല.
നിങ്ങൾ അറിയാത്ത ഒരു രഹസ്യം ഞാൻ
ഇന്നു രാത്രിയിൽ
എന്റെ ആത്മാവിന്റെ തൊട്ടടുത്ത്‌
എത്തിയവരോട്‌  മാത്രം പറയാം.
കാട്ടിൽ ഒരു മുയൽ കുഞ്ഞുണ്ടായിരുന്നു.
സിംഹത്തെ കിണറ്റിലാക്കിയ
അവന്റെ യുക്തി
കരിയിലകൾ കൂട്ടിയിട്ടു ചുട്ടു തിന്ന
വേടൻ നാളെ ഇവിടേക്കും വന്നേക്കാം.
ആദിയിലെ കഥകളുടെ ഭ്രമത്തിൽ
അവകാശമില്ലാത്തവൻ വാഴുമായിരിക്കാം.
ചാർവ്വാകനെ പെറ്റ മണ്ണേ,
നാളെ ഇവിടെ വരുന്നത്‌
ആരെന്ന് നിനക്കറിയാം
എനിക്കും അറിയാമായിരിക്കും.
അറിയുന്നവർ ശവക്കോട്ടകളിൽ കിടക്കട്ടെ.
അറിയേണ്ടാത്തവർ തെരുവിൽ മയങ്ങട്ടെ.

Muhammad Mirash


Comments about അറിവ്‌ by Muhammad Mirash

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags

What do you think this poem is about?



Poem Submitted: Friday, February 7, 2014



[Hata Bildir]