Muhammad Mirash

Rookie - 0 Points (7th augest / kannur)

പ്രാർത്ഥനകൾ - Poem by Muhammad Mirash

ഗളഛേദം ചെയ്യപ്പെട്ട കിനാവുകൾക്ക്‌്
ഇനി പിടഞ്ഞു കരയാതെ മരിക്കാം,
ഇനി എതെങ്കിലും ഖബറിന്റെ
ഇരുട്ടിൽ്‍ പോയൊളിക്കാം.
പരാജിതന്റെ സ്വപ്നങ്ങള്‍
ശവപ്പറമ്പിലെ വിറകു കൊള്ളികളാണെന്നും
അവന്റെഹൃദയം
കണ്ണീരിന്റെ ഉപ്പുവെള്ളം കയറിയ
കുഴികളിലെ പുഴുത്ത
പ്രേതമാണെന്നും പറഞ്ഞ് -
നിര്‍ത്താതെ നൊടിയുന്ന
കാറ്റിന്റെ ആക്രോശം.
ഇല്ല,
സൃഷ്ടി കര്‍ത്താവിനെ കെെവിട്ട ഹതാശയന്റെ തേങ്ങലുകള്‍ക്ക്
ഇനി ഒരിക്കലും
പ്രാര്‍ഥനയുടെ രൂപം വരില്ല.
സപ്ത ഗഗനങ്ങള്‍ക്കും മീതേ
ഒരു നിലവിളി പോലും എത്തില്ല.
വൈകിക്കിട്ടുന്ന സമ്മാനങ്ങൾക്ക്‌്
റീത്തുകളുടെ രൂപമായിരിക്കും.
ശവംനാറിയുടെ നാറ്റമുള്ള
ആ സമ്മാനം എനിക്കു വേണ്ട.
സ്വപ്നങ്ങള്‍ തകരാനുള്ളതാണെന്ന്
അവ വീണ്ടും വീണ്ടും
എന്നെ ഓർമ്മിപ്പിക്കും.
തുടക്കവും ഒടുക്കവും
നിശ്ചയിക്കുന്നവനോട്,
ഇനി എന്റെ പ്രാര്‍ഥനകള്‍ക്ക്
നിന്റെ സ്വാസ്ഥ്യം കെടുത്താൻ
ധൈര്യം വരില്ല

Muhammad Mirash


Comments about പ്രാർത്ഥനകൾ by Muhammad Mirash

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags

What do you think this poem is about?



Poem Submitted: Friday, February 7, 2014



[Hata Bildir]