Muhammad Mirash

Rookie - 0 Points (7th augest / kannur)

രാത്രി - Poem by Muhammad Mirash

രാത്രി,
നീണ്ട സ്വപ്നങ്ങളുടെ -
അവ്യക്തമായ ചുണ്ടനക്കങ്ങളിൽ
വീണ്ടും ഒരു മഞ്ഞുതുള്ളിയുടെ കണ്ണുകൾ
ശൈത്യത്തിൽ പെയ്യാൻ മടിച്ചപ്പോൾ
നിന്റെ മുടിയിഴകളിൽ
വിരലുകളോടിച്ച്‌
ഞാൻ സ്വപ്നത്തിലാണ്ടു.
പനിനീർ പുഷ്പങ്ങൾ നിറമേകിയ
ഉടയാടകളിൽ നിന്റെ സൗന്ദര്യം
എന്നെ ഭ്രാന്ത്‌ പിടിപ്പിക്കുമ്പോൾ
നിന്റെ സ്നേഹം
എന്നെ അന്യലോകങ്ങളിലേക്കുയർത്തുമ്പോൾ
എന്റെ ചുമലിൽ ചാഞ്ഞ്‌
കിന്നാരം ചൊല്ലിയ, നിന്റെ ഗന്ധം
എന്നിലെ നദികളിൽ പ്രളയം തീർക്കുമ്പൊൾ,
ഒരു ചുംബനതിന്റെ ഇടവേളയിൽ
നിന്റെ ശ്വാസം
എന്നിലേക്കൂർന്നപ്പോൾ,
സ്വപ്നത്തിന്റെ മൂർച്ചയിൽ
നിറങ്ങളെ ഒന്നാക്കിയ സ്വപ്നം
പൂക്കളെ ചൂടുപിടിപ്പിക്കുന്നു.
എന്റെ സ്വപ്നത്തിലുരുക്കിയ പൊന്നിനാൽ
നിന്നെ ഞാൻ
എന്നോടു ചേർക്കുകയാണു.
നമുക്കു പോകാം,
ആദി പ്രണയം പൂത്ത
ഹിമവത്‌ ശൈലങ്ങളിലേക്ക്‌,
പ്രകൃതി പുരുഷനിലലിയുന്ന
താഴ്‌വരകളിലേക്ക്‌,
ആഴക്കടലുകളിലേക്ക്‌,
രാത്രിയുടെ സ്വപ്നം
നിന്റെ മനോവിപിനങ്ങളിൽ
എന്റെ തീ പടർത്തുകയാണു.

Muhammad Mirash


Comments about രാത്രി by Muhammad Mirash

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags

What do you think this poem is about?



Poem Submitted: Friday, February 7, 2014



[Hata Bildir]