आंनि लोगोफ्रा आंनि खोथाखौ बुजिया Poem by Ronjoy Brahma

आंनि लोगोफ्रा आंनि खोथाखौ बुजिया

Rating: 4.5

आं बांसिन गाजा मारियो
थारै आं फेस्ला खालामो।
आं बांसिन दुखुआव थायो
गोरान-गिसि-रानस्राव
मिथिँगा-मुलुगनि खोथा सानबायो
सुबुंनि गाबनाय-मिनिनाय बाथ्रा सानबायो।
आंनि मोखांआव दुखु गैया
सोरजोँबा रायज्लायब्ला
सोरजोँबा लोगोआव सावरायब्ल।
माब्लाबा आं बिजिरख' हायै गाबो,
रनसायख'नो हायै माब्लाबा रंजायो,
हार्सिँ समाव गाबो।
लोगोजोँ रायज्लायनाय सावरायनाय मिनियो।
आंनि लोगोफ्रा
आंनि खोथाखौ बुजिया।
बिसोरो आंनि गाबनाय
बिसोरो आंनि रंजानाय
नंखाय सानो नंखाय सानो
फोथायनो हाया आंखौनो माब्लाबा।
मानसिया जुनार नङा मानसिसो,
जाय गावनि अनगा गुबुननि साना
मानसि बियो जुनारनिफ्राय जुनारसिन।
जुनारा जुनारानोखा जेब्लाबो
महर, सोलेर नायनानै मुं
बिसोरनि गोसोआ-
बिसोरनि आखला-
गाज्रि नङा जुनारनिफ्राय जुनारसिन।
उदां, जायफोरा रंजायो अराय
गोजोन होनो मुलुग- मिथिँगा
जिउ-जिबिनि गोसो सोलेर,
गोरोन्थि, जायफोरा हिंसायो
गिदिर दाय, जायफोरा गावख्लायो
मानसि महरै सान्नो हानानैबो
सुबुं मेलेमै बुजिनो हानानैबो।
आं बेनिखायनो दुखु
जिब मुलुगनि खोथा सानबायै।
मेगननि मोदैया ओरैनो गवा
अखानि सोलाय दाबोरसे मोदै आंनि
गोरान जालांबा मिथिँगाया,
हाद्रि खुबोला सुबुंनि गोसोआ,
रानस्राव जालांबा मानसिनि बिखाया,
बेनिखायनो बेनिखायनो फोसाबनो
आं बांसिन गाजा मारियो
थारै आं फेस्ला खालामो।

Wednesday, January 28, 2015
Topic(s) of this poem: Satire
COMMENTS OF THE POEM
READ THIS POEM IN OTHER LANGUAGES
Ronjoy Brahma

Ronjoy Brahma

Amteka (Chirang) /Assam, India
Close
Error Success