आंनि बोरै गोरोन्थि जाखो Poem by Ronjoy Brahma

आं गोरोन्थि मावाखै,
आंनि बोरै गोरोन्थि जाखो?
आगाना गासैबो आंनि
आं नाथाय आगानखौनो होआखै।
आंनि गोरोन्नि नङा,
सोरनि जाखो बिदिब्ला?
फोरमान होनो रावबो गैया
आंदि थगायदोँ,
आंदि सैथो बुंदोँ,
आंबो बुंनो हागोन-
आं खामानिखौ मावाखै।
नाथाय सोर जाखो गोरोन्थिया?
आगानदि गासैबो आंनि।
गोरोन्थिखौ आं बोजबनो?
रावबो गोरोन्थि मावाखैब्ला,
अ' आं बोजबगोन बेखौ;
बेयो सोरजिनि माया होन्नानै
सोरजिनि होनाय बान्था होन्नानै।
जाय गोरोन्थिखौ रावबो मावाखै
रावनिबो आगान गैया,
बे आगाना गासैबो आंनि।
नाथाय-
आं गोरोन्थि मावाखै,
आंनि माब्रै गोरोन्थि जाखो।