हमथा आंखौ आथिँआव Poem by Ronjoy Brahma

हमथा आंखौ आथिँआव
आन्दायना थाबायबा खोमसियाव,
आय आंनि मिथिँगा मुलुग
गेलेनाय, रंजानाय- गाबनाय
गोसोम गुफुर सोमखे नोँनि मोखांआव।
सानस्रि मोन्दांथि नोँनि मुस्रियाव
मेगन बिखाव सावगारियाव,
हम आंखौ आखायाव
नोँनि महर मुगैनाय खन्थाइयाव।
आं नोँखौ मोजां मोनो आयै
नोँबो आंखौ अनबाय अराय,
फै नोँल' आंनि मोखांआव
बिलिर बिलिर साजायगोन खन्थाइयाव।
मोजां मोनो आयै, नोँल'
नै हो आंखौ रंजानो,
नोँ सिमां नङा आयै, गोरान
नुवा आं नोँखौ रांखिनि
नोँ आंनि सोरां आरो मिजिँ
नोँ आंनि बिमा आयै
नोँनो आंनि अनसुलि बिसि
हमथा आंखौ मेगनाव
बेसेबाना थाबायब्ला मोखांआव।