गाबहां गाबहां जादोँ Poem by Ronjoy Brahma

औ जानो हागौ बियो सिमां नुदोँमोन।
सान मोखाङारि बिबार जानानै,
साना ओँखार जेन्नाय समनिफ्राय सान हाबनाय समसिम।
नायफा नायफा सानखौ नायदोँमोन बियो,
गावनि जिउ गोबानाय दाइरियाव।
नाथाय बिलाइ फोजोबनो हायाखै दाइरिखौ।
जोँ मिथिगौदि जोँ मावना फोजोबनाय हाबाया,
जेब्लाबो आद्राल' जायो आद्रा।
होनबा जोँ गले गले जोनोम जागोन,
सान आरो हरबादिनो।
गाबहां गाबहां जादोँ आं,
जिउनि गुमुर नागिर नागिर।
जिउनि मोनसे ओँथि नागिरनानै।
बेखायनो सिमांखौ होबथानो नाजायो आं,
सिमां नुनायखौ होबथानो सानो।
नाथाय जेबो राहा गैया जोँहा,
जोँ रावबो खारखोमानो हाया।
जानो बेखायनो आंनि गोरबोआ गोदानै जोनोम जाबाय,
गाबोन थैनानै थांनाय मोनसे गोरबोआ।
मैया थैखांनाय सानाबो दिनै थांखांफिनदोँ।
नंगौ बिखा बुनानै बियो बुङो-
Suicide doesn't solve our problems,
It only problem of living persons.