ကမ္ဘာ နိဂုံး ရတု Poem by SanThoiU Mog

ကမ္ဘာ နိဂုံးချုပ်တေနိန့်မှာ
ပျားတစ်ကောင်က ကလိုဘာပင်ကို ပတ်ပျံနိန်ရေ
ငါးဖောက်သည် တစ်ယောက်က အရောင်တလက်လက် ပိုက်ကို ဖာနိန်ရေ
ပျော်ကြီးကျ လင်းပိုင်တိ ပင်လယ်မှာ ခုန်နိန်ကတ်တေ
ရီတရှောက်ဘေးမှာ စာစိကေတိ ကစပ်နိန်ကတ်တေ
အမြဲတမ်းဖြစ်သင့်ရေ အတိုင်းပျာ မြွီရေ ရွှီရောင် အရီခွံနန့်

ကမ္ဘာ နိဂုံးချုပ်တေနိန့်မှာ
မ မတိ ထီးဆောင်းပျာလ် လယ်ပြင်သန်းနိန်ကတ်တေ
ယစ်ဖွေတစ်ယောက် မြက်ခင်း အစွန်မှာ အိပ်ငိုက်လာနိန်ရေ
ဟင်းသည်တိ လမ်းထက်မှာ အော်ရောင်းနိန်ကတ်တေ
ရွက်ဝါလောင်းတစ်စင်း ကျွန်းနားသို့ ပါးလာရေ
တယောသံ တစ်သံ လီထဲမှာရွှင့်လို့
ကြယ်ပေါက်ညဥ့် တစ်ညဥ့်သို့ထိ ဆောင်လာရေ

လျှပ်စီး နန့် မိုးကြိုးကို မျှော်ခရေလူတိ စိတ်ပျက်လားခကတ်တေ
နမိတ်ကြီး နန့် တမန်တော် တံပိုးကို မျှော်ခရေလူတိ စိတ်ပျက်လားခကတ်တေ
ခု ဖြစ်ပျက်နိန်ပျာလ် ဆိုစော် မယုံကတ်
နီ နန့် လ အထက်မှာ ဟိနိန်သမျှ
ပျားပတုံးတိ နှင်းဆီဘားသို့ ရွာလည်နိန်သမျှ
အချေရရဲချေတိ မွီးနိန်နိန်သမျှ
ခု ဖြစ်ပျက်နိန်ပျာလ် ဆိုစော် တစ်ယောက်လေ့ မယုံကတ်

ခေါင်းဖြူဝါကြီးတစ်လုံးရာ ပရောဖတ်ဖြစ်ဖို့လူ
ခုတော့မဖြစ်သိ သူကလေ့ ကောင်းအလုပ်ရှုပ်နိန်ရေ
ခရမ်းချိုင်သီးကို စည်းယပင်း တပြတ်ပြတ်ပြောနိန်ရေ
ကမ္ဘာမှာ တခြား နိဂုံးချုပ်မဟိ
ကမ္ဘာမှာ တခြား နိဂုံးချုပ်မဟိ