गोसो जायो Poem by Ronjoy Brahma

गांसो जाग्रा आरो
गुन्दै जाग्राफोरनि
खुगा खहे आरो
लावथि केँख्राफोरनि
-
नोगोद हिसाब खालाम खालाम
आं दिनै आंगायबाय
उन्दुनो ओँखारनायबादि
एबा मेंथारनायबादिनो
-
बेखायनो जेबो बुंथ'लिया आं
रंजानायनि थाखाय
जोमै गेजेराव
बिलिफां बिलिफां हराव
-
फंसेल' बाथ्राजोँ फोजोबनोसै
''थां आरो थांनानै थानो हो''
मानोना मिथिगौ जोँ-
-
ब्रजेन ब्रह्मआ बुंनायबादि
''मुंदांखा हाथाइ बियो।
...................................
बयनिबो थाखाय उदांस्रि दं बेयाव
गावबो बायनो हायो
गावखौबो फाननो हायो।''
-
नाथाय अब्लाबो-
बांग्रिँ जानो गोसो जायो
बारहुंखा सार-अन्थाइ जानानै
बैसोरखौ फोजोबनो