सोरगिदिँ जेरैबो सिरि गिथाव
अख्रां सायाव हांगारनि त्रिपाल
अख्रांआव सोगोमनाय जोमैया
बारसिनहां बारसिनहां
बे हराव गियै गियै थैहाबदोँ अखाफोर
.
गांखं हेबना होजानाय दाउ आं
लामा नुयै जेरैबो खोमसि
गोथे फानजारिनि सिङाव
.
बे हराव गोलोमस्रावो
मोखांआ सोमहाबो
गिलुं गिलुं नायहरो आं
खुलुमनो एबा निमाहा बिनो गोनो गोथो-
.
ब्लां रायखसनि खौगा
बिनि खुगा सिङाव आं
आं आं होन्नायबादिल'
.
हे गसाइ!
अग्निबानखौ बाहायनो रोँमोन्थाइ
खोमसिया आरो थानाय नंलिया
खामै खामै सोरांआ फैगौमोन।
This poem has not been translated into any other language yet.
I would like to translate this poem