सुन्दावरि नों Poem by Ronjoy Brahma

(गोरबो दांग्रोमनानै)

बै मन्दिर बै गिर्जा
नैबे बाथौसालि बै मजिद
सुवा-बादुवा जेबो मिथिरोङा नों

बालाजों हाद्रिजों आरो अखानि दैस्लुंजों
दाबो गेलेयो नोङो
थाफुं थाफुं सानस्रिलाय थब्ललाय

दाबो जोबोद गेलेयो नों
जेरबासे गाथोनाव थालिर गायबावो

दाबो गेलेयो नोङो
बैनि उसुं बैनि उसुं
आमाय जुमाय थाखोमालायनाय

दाबो खुसेंग्रा लुयो नोङो
उथुमायजों हासुग्रा गिल्टी लानानै

दाबो आसौ बिसौ गेलेयो
मोसायो नोङो रंजायो नोङो
हांसो गोद गोद खाबादि गेलेयो

फ्लां-फ्लिं खालामो
सोरहा मा ओंख्रि दिनै सोंबायो
आज्लं बिज्लं नायहरो हिमालयखौ
दिल्ली मुम्बाइखौबो नायहरबायो

आखाय बेरसावनाय खुसि एखमबा
थिखोनो हाख'यै दुखु माब्लाबा
सयथिबो सुन्दावरि नों

दालाइनिफ्राय बिलाइ बिलाइ थाबायो
एखमबा जोमैनिफ्राय जोमैयाव
बिरबायो नोङो खारो नोङो

नंगौ सात गाथोननि सुन्दावरि नोङो
नाथाय नों आरो आंनि
दाखि आरो थरायना जाना दंबावो?