खबाम Poem by Ronjoy Brahma

जिउ दं आंहा
फोरबुआ खुसिजोँ होनाय
रांजोँ सोलायनो हायै
मुवानि बेसेनखौ नेवसिनो हानाय
-
गोजौ गाहाय
एखमबा गाखोलाय ओँखारलाय
हाथाइनि बेसेनखौ
फिउ फिउ जोगारनो हानाय
-
गोसो जायो बेयो
सावख्ला दाब्ला सोलेरखौबो
गोबा गोबा लानो
सिमांनिफ्राय मोकथांसिम
-
गोरबो सिं सिं
गोसोनि खना खना
गेलेयो बियो रंजायो बियो
बेबादिनो मोजां मोन्ना थायो
-
बिफां लाइफां
बिनिनो खुसिजोँ रज'यो
जाखुमा गेरेमसा गेरेमसा
-
जोमैया मोसायो
दाउसिन दाउला बिरबायो
अख्रांआ बेबादिनो थांनानै थायो
-
ग्रह नक्षत्र
बेबादिनो गेलेयो
साननि सेर सेर आमाय जुमाय
-
नंमारगौ दैसाया बोहैयो
खबामखौनो गोबानानै
बार खोलो बाराबो बेजोंनो गेलेयो
-
सैथो सैथोमार
बेखायनो-
ब्रजेन ब्रह्मआ बुंनाय-
''जेराव खबाम दं, बेयाव जिउ दं''
- थैनो रोङै जिउ।