सिरि मोन्दों आं Poem by Ronjoy Brahma

सिरि मोन्दों आं

Rating: 4.8

लासैयै ओंखार बोनाय साननि सोरां रोदाजों
आलायारन नुजाबोदों बेजोंनो
मोनसे हादोर दावबायनो
मिनि खुसि आगान फोलावदों आं

दुब्रि बिलाइनि दै गास्रिबोना
सुदेम बारखौ बिखायाव गोबानानै
खासि बिलाइनि दैजों
देहायाव गोजोनग्सालायनाय सान्ति सारै सारै

बेबादिनो जग्रबसे सुज्राय अरनखौ
बारबोबाय आं

दाउसा मोख्रेबखौ नुसि नुसि
बिनि आन्दो सेर सेर
खोनासै जोबोद सिरि सिरि

ओजों मालाय
सान ओंखारनायखौ नुनानै
थक थक- घन्टा बुदोंमोन
बाथा एंखोरबारिनि बाथ' थखा

जग्रबसे गराय गांसोनि
खोमा थिया थोंगोर थोंगोर
सेसा दामब्राया सिरि मोनलायजासे

सिरि मोन्दों आंबो
खासि बिलाइजों हायब्रा जाना
खुदुना सुखौ नुवा नुस्लाबा गासनफ्लांनानै

बेखायनो हाथर्खि आरो अखाफोर
सान हरनि बिलिरनायाव
सिमां एरायना बाग्दाव खांदों गावनो

मिथिगौ सनायानो जा
दाउदैबादिसो बे बैसोआ लाइमोननि

जोबोद गिलिर मोनसै आं बेखायनो
नोंनि थाखाय आंनि जोनोम बे फंसे रावखौनो बुंनो
अब्लाबाबो नोंखौ मोजां मोनालासे थानो माबोरै?
बिखाखौ मैला फोनांनो हाया आं

Wednesday, March 4, 2015
Topic(s) of this poem: god
COMMENTS OF THE POEM
Nina Swargiary 29 April 2018

Good work.

0 0 Reply
READ THIS POEM IN OTHER LANGUAGES
Ronjoy Brahma

Ronjoy Brahma

Amteka (Chirang) /Assam, India
Close
Error Success