बाउलि Poem by Ronjoy Brahma

मालाय थाफ्लि बुफुं बुफुं
लाद्रा-लुद्रा मोसालायदोँ
गारबा खोस्लि थिखोदाव थिखोदाव
-
बिग्राय ब्रह्म दाया
बाया मोजोमा रोजाबदोँ
'सनाफोर खाथि खाथि फिकनिक जानाय.....'
खनले खनले दैसा सेराव
बेजोँनो मोसादोँ फारा फारि
-
हब हब मोदोमफैदोँ
दाउला खासि सावनाय
अमा मेजेमनि मिलौनाय
आयै! गोजा गोसोम हाजोनि
-
बोदोर बाउलि अहालि बुरैया
थावा थावा बेसर फुनो गोसोआ
थांगौ मोसाफागौ रंजाफागौ
-
गोदान बोसोर नोँ मानो फैयो?
दैमा दैसानि सेर सेर
सुबुंनि गोरबो गेजेर गेजेर
बिफां-लाइफांनि सा सा
-
लोरलां लोरथां फेगुलायदोँ
थौसे सारायसे आग्लायलायदोँ
जालु फिकनिक फार्टिनि जै
बोसोर गोदाननि जै होनलायदोँ
मालाय सान- हाबगुलायदोँ
-
खुदैल' मन'बाय सिबाय अहालि!
सिं सानेर सानेर
जस्लंलाय गसंलाय उसु-खुथु
दैसा सेराव बेसर फुयै फुयै!