दाउसा मोख्रेब खासि बिलाइ
दुब्रि माय बिलाइनि निहोरखौ
थरफा थरफा खनखांनानै
जबा गलाब फामे थब्ल
बेसर सिबिँ बिबारनि मोदोमनायजोँ
सान्दोँ गले गले गोसोआ
सुजुनो दांसे बिदां गोजोन आरो सुखुनि
~
आगै सेवालिया बोराबदोँ
रावबो गैयै हराव नेनो हायैनि
खारखोमा लांदोँ आंखौ
दाउदै बिबारनि मिनिनायजोँ
आं बावगारदोँमोन बिनि गोथै हाखरखौ
~
अखाफोरनि मोदैखौ बुथुम बुथुम
बुंदोँमोन आंनि गोरबोआ
लोर सोर गैयै जादोँमोन
फैगोन हांसो सिलारिखौ नेनानै
~
सोरां उन्दुनाय हराव
गाग्रोम बायदोँमोन एम्बु फालोसे लामा
गाब्रनाय बादिसो खोनादोँमोन बिलोआव
बे खोनानायाव गोसो गैयामोन खोनासंनो
~
बे समाव बानिबा गांफौ मेलामोन
जेराव आं दान्दिसे जिरायहैनो हायो
अदेबानि बेयो थांजाथारनाय नङा
गैया बेवहाय खामफ्लाय गंसे जिरायनो।
This poem has not been translated into any other language yet.
I would like to translate this poem