मोनाबिलिनि आर'ज Poem by Bidindra Basumatary

सान दोबैलांबाय सोनाब फैसालियाव
दाउमा-दावसायाबो बिरलांबाय फालो फालो
सोनाब फारसेनो मोखां जाना बाहा फारसे
गामिनि आबादारि फैबाय
न' फारसे मोखां जाबोबाय
दुब्लि फोथार आबाद फसल थिलिनिफ्राय।
गुगुरुब हान्थु खरायना
सानजाहा मोखां जाना
आलारि बाथि फोजोंना
गोथार दै लाना
फुजियो आफा नोंखौनो
बाथौनि साया-महिमा नों
सोरजिगिरि नोंनो जेनिबो दागिरि
गाहाम हास्थायो नोंखौ गोबाना
मिजिं सुजुयो नोंखौ फोथायना
अनहरदो आफा लाउरि
संसार लैथोनि गुवार बिखानिफ्राय
बोखांदो, दा गबहो आफा।
जिबि जुनार दाउसिन-दाउला गासैजोंबो
फोरोंदो आफा गोरोबनो
गावजों गाव अनलायना गोबाख्रबलायनो।
दहाय आफा दहाय
थै गोथां दा खारलिंहो जोंहानि सिदलायाव
दहाय आफा सोरजिगिरि
जोंहानि सिदलायाव बेगें दा दोनफै।