मिजिँनि गोरबो गोरबो Poem by Ronjoy Brahma

लैथोनिफ्राय मुलुग सोर्गोसिम
नैबे हादोदनि मिथिँगायाव
मोजां मोनो थौनायनिफ्राय थौसिन
बेसेबा समायना गेवलां गेवलां
-
मिजिँ सानस्रि मिजिँ गोरबो
समायना सिख्रानि गांफोरबादि
बोहैयो खन्थाइ गोरबो गोरबो
-
जावखा जायो गोरबो सम सम
थेवबो अन्नाय थांनानै थायो
थांनानै थायो बिखा गोरबो
खुलुमो नै बहुम मिथिँगा
-
सोरजिगिरिनि बिबार बारियाव
आं नागिरदोँ मोदोमनाय
बिनिखायनोथ' जादोँ गुजुनाय
सोमजिदोँ गगा मोन्नाय
-
आं रंजादोँ बे नोगोराव
जेराव बिरबोयो दाउसिनफोर
जेराव बारग्लाङो बिबारफोर अरनाव
होँगो-दोँगो गोमो-गोथां बायदि बायदि
-
आं मिनि मिनियै थाबायगोन
मिनि खुसियैनो थाद'गोन
थैनायनि फैसालि गोग्लैनायसिम
आङो रंजायै रंजायै थागोन।