एइस-टु-अ' Poem by Ronjoy Brahma

सोरखौबा सोरखौबा बुंथ'लिया
समाव नोँनो आंखौ हालाय-हाफाय खालामो
समाव गोजोन होयो
सम सम बायदि सिना
-
गोजां बोथोर गोलोम बोथोर
नङा जेब्लाबो-
सान-हर
नोँखौ आंनो नांगौ
-
जानाय खिनाय
दुगैनाय बायदि बायदि
नोँखौ आंनो नांगौ
नोँ नङाब्ला जेबो जाया आंहा
-
आंदि नोँखौ मोजां मोनो
आरो नोँलाइ?
नोँबो-
बुंनानैबो फोजोबनो हाया आं
हानायबो नङा रावबो
-
सना नोँ थाबाय था
आं जेसेबां थायो
नङा नङा
बेयावल' नङा
-
नोङो अरायबो थाबाय था
आंनि फिसा फिसौ
फिसानि फिसौ
फिसौनि फिसौ
जेसेबां हायो जुगे जुगे।