थिफ्लिँ बालानि रमान्टिक Poem by Ronjoy Brahma

मोजां मोन्नाय सोदोब
आरो देँखोखौ
आं थिखोनो हाख'वा
आरोबाव देँखो बोना बोजोबनो हाया
-
नोङो बाथा बुनायबादि
ज्राव बाला बारियाव बुगारहर
बेयावनो आं मोदै बोहैहोगोन
-
नोङो जोलुर जोनायबादि
दौ जोगोदावहर
बेयावनो आं हब्रागोन
गाबै गाबै गाबगोन
-
मिथिगौ नोङो?
बेसेदि गिलिर आंनि-
गोथार सैथो हाबिलाखौ
आंनि गोदै मोजां मोनहाबनायखौ
-
हानाय नङा हानाय नङा
बिखुं सायाव बानानै
दाउसिन दाउलाया
इंखोर थुरिबारियाव गारहैनो
-
मिथिगौना नोङो रजे?
दैखर
खान्थाल
बुरलुंबुथुर
बेन्दोँ-बेनला
बिसोर आंखौ सिनायगौ
-
नोँखौ मोनाब्ला
नोँनि अनगा आंनो नांगौ
गंसे दैहु
गंसे दैखर
मोनसे लैथो
-
एबा फांसे गेरेमसा बिफां
नङाब्ला
आंनो नांगौ गंसे बथल
आरो मिथिगौदा मा बथल बियो? ?