नंगौहां नंखायहां Poem by Ronjoy Brahma

नंगौहां नंखायहां

Rating: 5.0

जाम्बि बुरै आबै फाथंआ
सल' खिन्थानो नागारै माबा माबि,
खेरेन्दायनि आथिँआ जौसेथा थागारोलायनो
थानोबो हागौ-
सानग्राफ्रा मिथिगौ बेखौ।
नाथाय जाथो जाथो मोनसे बाथ्रा
थाबायनाय समाव सान्नो हाब्ला
आनजादाव उथ्रिनो हागारोलायनो!
बयबो फास जानो लुबैयो
आंबोथ' फेल जानो लुबैखाया
सानसेखालि सानगारबाय आं-
से नै थाम ब्रै बा
हां खनसेनो जौसेयाव थाबथाबाय,
नंमारगौथ' जौसेयानोमार,
खेरेन्दायनि आथिँआ जौसेथा।
नाथाय- -
सान्नायनि अनजिमाया जौसे मोनस्लाबैयावनो
गुदुंआव थ्रोब हाबगारदोँनो खेरेन्दायआ,
बयनिबो दे: सा: सा: याव थाबथाना
नायबाय आं गैमारलिया,
थेवबो साननोथ' हाबाय
आनजादाव उथ्रिसिगोन आं।
उथ्रिनोबो हागारदोँ आं
थाखोसे थाखोनै थाखोथाम थाखोब्रै
जाम्बि बुरै आबै फाथंआ
थरफा थरफा रसगल्ला मोनजाबोदोँ
थैना थांनाय समसिम गामला मोनसेयानो बारदोँ।

Tuesday, October 13, 2015
Topic(s) of this poem: grandmother
COMMENTS OF THE POEM
READ THIS POEM IN OTHER LANGUAGES
Ronjoy Brahma

Ronjoy Brahma

Amteka (Chirang) /Assam, India
Close
Error Success