देलाइमांग्रि सिख्ला Poem by Bidindra Basumatary

देलाइमांग्रि सिख्ला

फागुन सैत्र माथो
इसेबो देलाइनो रोंथारा
हाद्रि बालाजोंल' लांथियायै गेलेग्रा
दुगैस्रां-लोबस्रांबो थानो सोलोंआ
आखुआनो बिसोरनिया बिदिनोखा
दाउखाया दाउराय जायि बादि।
नोंसो देलाइमांग्रि
नोंसो बैसागि
आखाइयावबो आसान सोमब्रोम
खोमायाव सना गोमोब्रोम
खानायाबो गोलाउ गोसोम
दखनायाबो जोंखोल माखोल
गोरनानि लुआबोथ' जंज्रिद रोमोदो समायसारनाय
नोंखौलाय सोर हानो बासिनो
नोंजोंलाय सोरथो हायो देलाइनो
आरोलाइ समायनायावबो गैखाथारा नोंबादि
गैखाथारा रावबो नोंजों जुजिग्रा
आरो हाखायाबो।
मोसाखाउरि नों देलाइमांग्रि
देंखोनिबो रानि
फावनिबो रानि
आरोलाइ मानिथो रानि नङा नोंलाय!
जेनिबोसो!
बोसोर बोसोर नोंखौ बरायनाय
बोसोर बोसोर नोंखौ बाखनायनाय
नों फैब्ला रंजानाय
थांब्ला गोसोखौ गोदाव-सोराव मोननाय।
हाइ! अनजालिसो खालामनो सानोदां
गोसोखौ सोरां होनो
सेंग्रा जालाय आदै मदफोरा।

Tuesday, November 24, 2015
Topic(s) of this poem: beauty,nature
COMMENTS OF THE POEM
READ THIS POEM IN OTHER LANGUAGES
Bidindra Basumatary

Bidindra Basumatary

Bhatopara [13/04/1997] Panbari, Bijni
Close
Error Success