दाबो सिखाराखै बिसोर Poem by Ronjoy Brahma

दाबो सिखाराखै बिसोर

Rating: 5.0

लेँलां निरिँ सिमांनि दैसायाव
जुगुरुब जुगुरुब ना गुरदोँ,
फालोँ बुसाव सिमांनि दैसायाव
मोना मोना खांख्राइ खन'दोँ,
बिबार बारदोँ बिबारखौ लह्राय होदोँ
सिखिरि बिरदोँ सिखिरिखौ बुख्लायदोँ
हां गैयै जिउ
जिउ गोनां गोथै सोलेर
सिमांआव बिसोर नुदोँ,
एसेबां खास्रि बिस्रि सिमां
बिसोर दाबो नुदोँ,
थेवबो बिसोर सिरि मोनाखै!
उदैनि थांना थानाय हाथियार
साल सिरिनि नांगोलाबो
दिनै गाबोन गुनजेर अरदोँ,
सोरनि नांगोलाथ' माब्लाबानो माराम।
इसानसालि दाउ अमानि गग्रा
बिसोरखौ बुङाब्लाबो जागोन
गोजोन उन्दुनाय खथायाबो अखा सेरनाय।
दाबो सिखाराखै बिसोर
बेयावनो गोदो गोदो सिमां नुदोँ,
आमाय-जुमाय गेलेनाय
ओँखाम-ओंख्रि संना जालायनाय।

Thursday, September 24, 2015
Topic(s) of this poem: dream
COMMENTS OF THE POEM
READ THIS POEM IN OTHER LANGUAGES
Ronjoy Brahma

Ronjoy Brahma

Amteka (Chirang) /Assam, India
Close
Error Success