आयखौ गोसोखांनानै Poem by Ronjoy Brahma

आयखौ गोसोखांनानै

Rating: 5.0

आव आव सना सना
दाथां दाथां फिसा सना
बुहुत दं सियाल दं
मोसा फैयो लख्रा फैयो
होनलायनायखौ।
माम माम खाम खाम
अ' अ' अखाफोर फै फै
सान्दुं फै अखा फै
सान फै सायख्लुम फै
होनलायनायखौ।
दे थांदो फिसा...!
आयनि रैसुमै गारांआ रिँफैयोब्ला
आं आयखौ गोसोखाङो।
दखनाजोँ हैया नावआव गोजोनै
दु दु फुथुनाय
सोमखोर दैज्लांनि दुब्लियाव
आथिँ सोमाव सोमाव आयनि बिखुंआव
रंजानायखौ आं गोसोखाङो।
आं गोसोखाङो रोजा रोजा
आयनि बोसोनखौ
दाखा दाखा आयनि अन्नायखौ।
आंहा गोसोआव दं आयनि
गोगो दाहार गोजोँ थुलुंगाखौ
गोथार गोफार आयनि मिजिँखौ।
दं, दिनै आं दावहाथिलियाव
(कुरुकेत्रनि फोथाराव नङा)
मुलुगनि लैथो गेजेराव,
अखाफोरनि एसेल' नांनाय सोरांआव।
सानस्रिगोन लैथोखौ
ना-एम्बु-खासेवफोरजोँ जुजिगोन।
बारलांगोन जोमैखौ
बार-सारअन्थाइफोरजोँ जुजिगोन।

Sunday, September 20, 2015
Topic(s) of this poem: mother
COMMENTS OF THE POEM
Ronjoy Brahma 21 September 2015

"आं बे मोनसे खन्थाइखौ बांसिन मोजां मोन्दोँ"- नीतु रामसियारि

0 0 Reply
Ronjoy Brahma 21 September 2015

" मा इसे रैसुमै बिमानि राव"-लाजाथाव बसुमतारी

0 0 Reply
Ronjoy Brahma 21 September 2015

थारै आय गैयामोनब्ला समायना बुहुमखौ नुनोमोन्नाया जोँ बयबो फैमालमोन।(सुपेन ब्रह्म)

0 0 Reply
READ THIS POEM IN OTHER LANGUAGES
Ronjoy Brahma

Ronjoy Brahma

Amteka (Chirang) /Assam, India
Close
Error Success