मालायफ्रा गोमो गोथां
मेगनाव नांलायनाय
गोसोखौ बोलांलायनाय
आरसिसि बिल्डीँ लुबाय,
सोदोब गोनां उखुन्दै खुनाय
बायदि बायदि मटर सालायबाय।
नाथाय खाफाल हमनो ना
गोसोखौसो हमथानो फालाय
सिबाय आद्रि आद्रि!
बुदांनि गोबोरखि दाफबनाय
हामा हाजोँ बिलिरनाय
फाथिसिनजानि न'आ दाबो जिनो रोङाखिसै,
थुरि उखुमनि बबेबा खनाजोँ
अखा सेरनायनिबो लामा गैया।
बिसिडिसि (सरकार) नि हाउजिँ
ना मा होनो-
सिबाय लामा नायो बुदांआ,
अमा फाथालसे फानना
बाला-अन्थाइ इटा जाबनो,
नाथाय खाफाल गैया सिबाय!
जन्टर-मन्टर लाल-कि-लाल
ताजमहलनि सावगारिखौ नायना थानाङो।
सानसे बिसिडिसिनि मेम्बार
माताव देवानिया जासिफैदोँमोन,
नाथाय- बहा मोननांगौ जाखो?
जिबा केजि बोरमा खासि मासेमानि,
बेजोँ भुटाननि माबा माबि
गोजा गोसोम दंदेरबावोसोनो।
बेमारबादि हारिनि सेन्टिमेन्ट गोनां
मुलुगनि दाखोर गारग्रा,
समाजनि मैला हगारग्रा,
मेट्रिकखौ सेथिआव उथ्रिसेयावबो
कलेजखौ गारनांनाय फिसाज्लाया सिबाय
खर' सानाय मोनबाय
मानो साख्रि नांगौ?
न' लुनो?
आलो गोजोन संसार जानो?
ना गोरिब दुखुथियाफोरनो-
This poem has not been translated into any other language yet.
I would like to translate this poem