حیات ایک تگ و دو کا نام ہے شاید Poem by Akhtar Muslimi

حیات ایک تگ و دو کا نام ہے شاید
سکوت کیا ہے فنا کا پیام ہے شاید
سکون راہِ طلب میں حرام ہے شاید
کہ عشق بے خلش و درد خام ہے شاید
یہ وہ کشش ہے کہ خود کھینچ لے گی منزل کو
ابھی تو ذوقِ طلب ناتمام ہے شاید
تجھے خبر بھی ہے کیا چیز بے قراری ہے
یہی تو زیست کی وجہِ قیام ہے شاید
کرے اسیر کوئی کیا مجال ہے اخترؔ
یہ آدمی تو خود اپنا غلام ہے شاید

Hayat ek tag-o-do ka naam hai shayed
Sukuwat kya hai fan aka payam hai shayed
Sukun raah-e-talab mein haram hai shayed
Ki ishq be khalish wa dard khaam hai shayed
Yeh woh kashish hai k khud kheench legi manzil ko
Abhi to zauq-e-talab na tamam hai shayed
Tujhe khabar bhi hai kya cheez beqarari hai
Yeh to zeest ki wajh-e-qyam hai shayed
Kare aseer koi kya majal hai Akhtar
Yeh admi to khud apna gulam hai shayed